今季首單落樓!育成寶貝彎位拋下黎海榮

20170910
東網電視
更多新聞短片

又係華將!今日沙田馬場第九場三班千二米草地賽事,本地騎師黎海榮策騎沈集成馬房的「育成寶貝」上陣,早中段競跑本來正常,但到臨入直路嘅彎位,「育成寶貝」突然失蹄並拋下黎海榮,騎者在兩匹賽駒「總統至上」及「仁仁友福」之間落地,事後騎者直送威爾斯親王醫院接受檢查,而馬會消息透露,黎海榮落樓後一度失去知覺,不過之後立刻恢復意識,然後指自己腰部以下部位痛楚。及後馬會表示,暫時發現黎海榮左手腕骨折及膊頭受傷,周三肯定不能上陣,膊頭亦要再詳細檢查。

上個馬季多宗「落樓」事件都涉及本地騎師,好似蘇狄雄、梁家俊、蔣嘉琦、蔡明紹、楊明綸等都曾在陣上被戰駒拋下,而呢次華將黎海榮被「育成寶貝」拋下,則是今個馬季的首宗落樓事件。