社區盃　青少年體記有份參與　學員：好難忘

2017香港賽馬會社區盃的3場賽事，東網都聯同「香港賽馬會青少年體育記者培訓計劃」提供直播，由資料搜集、現場評述及數據統計都由學員一手包辦，讓他們可透過參與大型比賽吸收更多經驗。首屆學員廖尉廷有幸擔任評述員，他表示機會難得、過程難忘：「好開心可以同專業評述員合作，佢哋好肯指導我哋，令我學到好多嘢。全日最難忘就係評述傑志同東方龍獅嘅比賽，因為好難得可以參與本地頂級球會交手嘅現場直播，雖然網上有好多觀眾睇同留言，令我有少少壓力，不過我會當係令我改進嘅動力！」