世盃外 6隊出3.5隊都死 美國出局怪自己
20171011
東網電視
更多新聞短片
即上英超刨績王：http://win.on.cc/epl
世界盃外圍賽中北美洲區完結，北美兩大班霸之一嘅美國意外出局！美國今晨作客包尾兼篤定出局嘅千里達，本來只要拎1分已經可以出線，可惜球隊突然發波瘟，上半場已經連失2球，換邊後雖然有基斯甸普列錫閃電追番1粒，可惜餘下時間狂攻不果，最終以1比2落敗。由於原本排美國後面嘅巴拿馬同洪都拉斯都順利贏波，結果美國一跌就跌落第5位，連附加賽嘅資格都冇埋，自1986年後首次緣盡世界盃決賽周。美國領隊艾蘭拿賽後失望表示：「我哋今日完全失敗，冇任何藉口，美國唔應該冇份踢世界盃，我要負起全部責任。」巴拿馬主場2比1擊敗哥斯達黎加後，拎到中北美洲區最後一個直接出線席位，洪都拉斯就會踢附加賽。
東網體育同你追實體壇每個精彩時刻！