港超聯 標準流浪贏波開齋喇喂!

20171104
東網電視
更多新聞短片
「中銀人壽香港超級聯賽」周六(4日)尾場由香港飛馬於香港大球場擺下擂台陣迎戰標準流浪。標準流浪終憑卓耀國個人梅開二度及基士頓的12碼,以3比1擊敗香港飛馬。
於聯賽仍保住不敗身的香港飛馬表現積極,5分鐘艾華門前迎頂破網,惜越位在先慘食詐糊。15分鐘更得罰球機會,李毅凱大腳斬入禁區,惟門前隊友跳頂高出。飛馬於19分鐘終於打破悶局博得12碼,由伊高勁射破網先開紀錄。
標準流浪雖被對方「撳住攻」,但亦不乏攻勢。黎洛賢42分鐘右路接應基士頓傳送斬中,惟過不到敵衞。卓耀國45分鐘接應摩域治頭槌二傳門前頂入,於上半場結束前為球隊開紀錄。
易邊後,流浪攻勢繼續有來。56分鐘,李毅凱禁區邊犯手球,被球證直指12碼點,由流浪的基士頓主射一抽入網。卓耀國更於75分鐘近射破網,個人梅開二度之餘,助流浪領先至3比1。兩軍之後再無紀錄,標準流浪最終以3比1破飛馬不敗金身,取得開季以來聯賽首場勝仗。
賽後贏波功臣之一的卓耀國表示贏波是好開始:「呢一場絕對踢出水準以上,之前取得今季首勝之後,大家都有返信心。呢場之後我自已信心都返晒嚟,最重要係幫球隊嬴波。今仗係我哋第一次全取三分,係一個好開始!」