【世盃抽籤】阿根廷遇硬嘢 美斯爭冠路難行

20171202
東網電視
更多新聞短片

即上英超刨績王:http://win.on.cc/epl 

球王美斯世盃爭標路難行!阿根廷明年世界盃決賽周將與冰島、克羅地亞及尼日利亞同組,爭出線將遇上極大麻煩,美斯要奪得人生首個國際賽冠軍有一定難度。至於另一球王C朗代表嘅葡萄牙,則於B組與西班牙上演伊比利亞半島打吡,雙方首戰就要交手,同組仲有由前葡軍領隊奎羅斯率領嘅伊朗同摩洛哥,同樣好睇過戲。揭幕戰主辦國俄羅斯於2018年6月14日對沙特阿拉伯,7月15日舉行決賽。

抽籤儀式於克里姆林宮舉行,俄羅斯總統普京及國際足協會長恩法天奴先後致辭,喺俄羅斯傳統歌舞表演後正式抽籤。原本英格蘭同西班牙跌入第二檔,以為會造就死亡之組,但兩隊籤運都不算太差,英格蘭與比利時、巴拿馬及突尼西亞編入G組,相信出線沒有問題。西班牙雖然同葡萄牙同組,但由於伊朗同摩洛哥實力較差,難阻兩軍出線。

反而阿根廷名宿馬納當拿未能為國家隊帶來好運,佢有份參與抽籤,抽出冰島、克羅地亞及尼日利亞,對手實力都好強。冰島於上年歐洲國家盃表現一鳴驚人,而2002年阿根廷小組出局,當年其中一個對手就係尼日利亞,加上東歐球隊克羅地亞,「潘帕斯雄鷹」出線未許樂觀。

至於亞洲球隊方面,日本同波蘭、塞內加爾及哥倫比亞處H組,有機會殺入淘汰賽;至於南韓則於F組遇上衞冕嘅德國,同組仲有瑞典同墨西哥,隊隊都唔易打,隨時會喺分組賽畢業。

東網體育同你追實體壇每個精彩時刻! 
https://goo.gl/ewVpvE