平昌冬奧 爆喊！日本最美運動員入唔到圍
20171225
東網電視
更多新聞短片
本田真凛喺日本花滑錦標賽得第7名。(互聯網圖片)
日本花滑錦標賽女單項目日前結束，結果16歲嘅本田真凛以193.37分得第7名，無法取得平昌奧運嘅參賽資格，搞到佢即時爆喊，東瀛傳媒仲話，考慮到日本花滑新人輩出，推測本田真凛可能會就咁退役，全力進軍娛樂圈算數！
本田真凛原本打算喺自由滑上演逆襲，可惜佢後半程接連失誤，只能夠接受緣盡平昌冬奧嘅事實，而且網上即時出現唔少負評，因為本田真凛係超級白富美，爺爺經營年收入20億日元嘅企業，佢仲試過力壓福原愛，當選日本最美運動員，自然多人葡萄。
另外，本田真凛哥哥太太，兩個妹妹望結同紗來，都係顏值高嘅花滑選手，當中望結更加係藝能界著名童星，加上真凛接咗好多廣告，包括扮空姐幫航空公司JAL宣傳，同埋做讀賣新聞代言人，所以有網友覺得，佢去做明星好過呀！
東網體育同你追實體壇每個精彩時刻！