港超聯 科蘭老婆玩開曲棍球同樣好波!

20180111
東網電視
更多新聞短片
科蘭一家四口勁Sweet。(網絡圖片)
港超史上最大牌外援科蘭已經殺到嚟香港啦!相信球迷過往喺電視都睇過唔少佢嘅威水時刻,佢有幾好波就唔使多講,不過唔講唔知,足球世家出身嘅科蘭,原來佢嘅老婆Paz Cardoso都係體育健將。現年27歲嘅Paz同科蘭都係烏拉圭人,佢喺讀書嗰陣就熱愛體育練就一身姣好身材,尤其鍾意玩曲棍球,仲係學校曲棍球代表隊成員。2012年仲喺大學讀醫嘅Paz就開始同科蘭拍拖,科蘭轉會巴西國際體育隊嗰陣,Paz仲肯跟埋佢一起去巴西繼續讀書,兩人好似糖黐豆咁,1年後就拉埋天窗,依家仲生埋兩個囝囝,認真Sweet。
不過踏入呢段美好婚姻之前,科蘭嘅情史都絕對唔輸佢嘅前曼聯隊友。呢位攞過世界盃金球獎嘅烏拉圭射手,2011就曾經同身材火辣嘅阿根廷女模Zaira Nara撻着過,呢位索爆女星2010年畀英國男士雜誌評為全球100位最性感女性,兩人仲曾經訂過婚,差啲結為夫婦,不過最終都分手收場。