壽星仔陳嘉豪爭口氣 擔正捧盃生日大快樂

20180127
東網電視
更多新聞短片
陳嘉豪賽後同一班到場打氣嘅老友影張威水大合照。

陽光元朗高舉高級組銀牌,前線靠兩位外援祖連奴,以及賽後當選MVP的艾華頓之外,首次出戰大賽決賽的門將陳嘉豪亦功不可沒,上半場尾段救出致命頭槌,最終更助球隊零封對手,以冠軍作為22歲的生日禮物,他賽後表示:「臨近決賽呢幾日都好緊張,始於兩星期前自己喺呢個球場出現兩個失誤,令球隊失分畀飛馬。好難得生日撞正踢決賽,贏波要多謝隊友,大家都好團結,決心好大,呢個冠軍絕對係咁多年最開心、最有意義嘅生日禮物!」

「壽星仔」陳嘉豪現時由傑志外借予元朗,他於傑志時曾贏得不少冠軍,但多只在場邊為隊友打氣,甚至今屆港隊於省港盃奪冠,他亦只列後備,今次以正選門將身份贏得錦標,感覺自然不一樣:「今次係靠我自己親手去攞,係一手一腳自己踢,唔再係睇波,感覺更深刻。」這位年青門將未來希望減少失球,並助球隊於足總盃及聯賽再衝過。