足動潛能　肥基亞爆Seed召喚足球神器

香港賽馬會舉辦嘅學界足球發展計劃，今年去到第5屆啦，賽馬會繼續同曼聯足球學校合作，目標係令世界頂尖嘅足球訓練模式，可以紮根校園，透過培訓優秀教練，令本地青少年「足」動潛能。

自稱「地上最強球員」嘅肥基亞今年亦有新任務，收集4件足球神器，做「真‧學界足球男神」。4件神器正係由4間參加學校嘅足球隊員守護，第1站去到愛秩序灣官立小學，曼聯足球學校駐港總教練奧拜恩亦都喺度，大家一齊去睇下肥基亞可唔可以完成任務先！