賀歲盃　劉智樂：入選港隊開心過收利是！

繼香港聯賽選手隊後，香港代表隊周日（18日）同樣於掃桿埔運動場進行比賽前最後一課操練，因卓耀國退隊而獲補選的劉智樂坦言心情緊張：「第一次入選港隊有少少緊張，都係用平常心面對，希望踢番自己近兩場嘅表現。」

即將在賀歲盃面對港聯眾多外援，身形較吃虧的劉智樂表示發揮出自己優點為球隊爭取入球：「我自己優點係速度、靈活，盡量避免同佢哋碰撞。」新春期間獲得徵召，「樂仔」指入選港隊比收利是更開心：「梗係入選港隊開心啲啦！好多人踢波但唔係個個都入到港隊。」身為港隊一份子，「樂仔」期望對本地華人有交代：「唔好話入幾多球，我哋成班華人有機會合作入到佢哋一兩球，我覺得對本地嘅華人有交代。自己作為前鋒當然想入波，希望入到一球啦。」

賀歲盃於年初四，正值長假期最後一天，「樂仔」指家人得悉自己入選港隊後，都立即問他索取門票，入場支持。