盤神聯盟:祖記焗攻被「刺」傷

20180307
東網電視
更多新聞短片

即上英超刨績王:http://win.on.cc/epl 

今晚歐聯16強次回合重頭戲,熱刺喺主場溫布萊球場再鬥祖雲達斯。熱刺首回合攞到兩個作客入球,可以話佔盡先機,加上佢哋今季喺溫布萊踢嘅3仗歐聯全勝,強如皇馬都要俯首稱臣,面對過往「訪英」戰績曳嘅祖記,熱刺有望贏波晉級,小讓平半1.8倍上盤堅筍。(有線61、64、201及203台周四凌晨3時45分直播)

熱刺上屆歐聯表現麻麻,連分組賽都未能突圍,大部分球迷季初都唔敢對佢哋今屆抱期望,尤其當時熱刺仲畀「溫布萊魔咒」纏擾,點知今屆一反常態,熱刺分組賽3仗主場全部贏晒之餘,連皇馬到訪都要輸1比3,除當家射手哈利卡尼日漸成長成為英格蘭、乃至歐洲頂級射手外,「太極虎」孫興民近期亦出盡風頭,近兩次主場上陣個人省夠4粒,配合「發電機」基斯甸艾歷臣,絕對有力攻破「祖記」大門,況且仲有後防主將維頓漢及時復出,無後顧下一眾前線好手可盡情發揮。

祖記訪英成績曳爆

論歐戰經驗「祖記」肯定勝一籌,惟獨球隊過往作客英超兵成績差劣,近10仗僅得1勝2和7負,可以話英格蘭絕非「老婦人」福地,加上佢哋近期啞火,近6仗場場入得1球起2球止,上仗意甲面對拉素全場僅1次射門中龍,主力射手希古恩雖告傷愈,但就算趕及上陣狀態難有保證,「祖記」今仗想出線要爭取入波焗攻,隨時畀熱刺反擊有機可乘,主隊讓平半值支持。

●法達斯維

東網體育同你追實體壇每個精彩時刻!
http://bit.ly/2ecTF2A