【港超專版】唐咖名:要盡量提升自我!

20180425
東網電視
更多新聞短片
理文龍門教練唐咖名。
傷病對每位職業足球員而言,必定是最強大和可怕的敵人。職業生涯經歷過4次斷腳的唐咖名(Ming),因傷患結束球員生涯並嘗試轉行,但對足球的熱誠令他以教練身份重投球壇,為培育新一代本地鋼門出力,「Ming Sir」的教學宗旨就是不要安於現狀,盡量提升自我!
圖/文:何彥霆
教練之路從兼職開始
今季為理文擔任守門員教練的唐咖名,在28歲正值當打之年,因一年內兩度斷腳而結束球員生涯,更要在床上休息了大半年才能跑步。當時徬徨無助的「Ming Sir」坦言,能夠轉型為教練全賴昔日福建隊友艾馬遜︰「當時我養傷之後試過其他行業。有次艾馬遜問我有冇興趣兼職教波,結果踏上教練之路,當時兼職教小朋友為主,但一做就做咗8、9年,算係接近番個球圈。我覺得最重要唔好放棄,諗嘢要正面。如果我諗好多負面嘢去逃避,就見唔到今日嘅我。」
多年得來的經驗,「Ming Sir」認為對他作為職業球員教練有所幫助,亦感謝前領隊兼行政總監馮嘉奇給予機會︰「當時有個學生想去外國試腳,而佢去咗西布朗青年軍練,跟住就持續同『馮奇』聯絡,令到今季獲得呢個機會。其實喺足球學校教波嗰幾年,佢哋畀咗好多機會我,由歲半至兩歲嘅小朋友,到舊年委派我去教港會一隊,喺唔同層面上都學到嘢。」
讚陸平中成熟
儘管理文今季成績未算突出,但對首次擔任職業球隊教練的「Ming Sir」而言,門將陸平中的表現令他高興︰「『平中』嘅表現令我由開頭嘅喜出望外,到依家老懷安慰,因為佢開始成熟同穩定。開頭都擔心佢只係得幾場嘅好表現,估唔到依家穩定性仲好高,當然佢仲有進步空間。」但「Ming Sir」亦勉勵一眾門將不要自滿,要定下更高目標︰「我自己喺職業生涯都未盡全力,會覺得自己做得未夠好,所以依家教人會比較嚴謹,希望佢哋唔會重複自己走過嘅路,最緊要唔好太易滿足及安於現狀,盡量去提升自己,甚至期望有海外球會睇中佢哋!」
桃李滿門成立學校回饋球圈
在擔任球隊教練之餘,「Ming Sir」亦有設立了自己的守門員學校,為本地球壇出一份綿力。唐咖名指學校能夠成立,全賴多年來累積了不少學生而成事︰「以前透過私人授課累積咗唔少學生,跟住舊同事同舊老細就鼓勵我開番間龍門學校,又可以搵人幫你教,結果咁樣就開設咗呢間學校,今年已經係第4年。」