【有片】充滿火藥味!奧蘇畀卡達激親出局

20180429
東網電視
更多新聞短片
奧蘇里雲出局。(Worldsnooker facebook)
即睇卡達與奧蘇里雲碰撞片段:https://bit.ly/2vRGejv 
世界桌球錦標賽16強重頭大戰「火箭」奧蘇里雲對卡達,在充滿火藥味氣氛中結束,卡達最終以13比9擊落火箭,只怪奧蘇里雲唔夠冷靜,最後一局原本唔使咁快輸,但佢打藍波時竟然撻Cue,結果無緣爭標。
卡達今場「起迫」次數唔多,只有7次,奧蘇里雲就有12次,正常嚟計奧蘇應該唔會輸,但桌球比賽就係咁,除咗打技術,仲有心理戰;兩人在比賽期間出現一幕身體碰撞衝突,其中1局,奧蘇里雲set到士碌架,返回坐位時與卡達碰撞,奧蘇手踭撞到卡達胸口,之後兩人開始鬥嘴,要球證介入叫兩人冷靜。
奧蘇一向有性格,或者就係咁搞到最後一局撻Cue落敗,卡達取得生涯唯一一次在大賽中對奧蘇里雲嘅勝仗,獲勝後佢不斷向觀眾振臂慶祝,神情激動。
賽後奧蘇里雲接受訪問時承認兩人有衝突:「我嘅肩膊碰到佢,我更稱佢做『憤怒先生』,但其實佢都有向我反擊,生活中我哋有時會生氣。」至於會否因此事被紀律處分,奧蘇回應:「我唔知,律師會幫我處理。」
東網體育FB同你追實體壇每個精彩時刻!
Follow東網體育IG一齊撐本地運動員!