【成年組】帝國惜負 詹喬壹:係好好嘅熱身

20180501
東網電視
更多新聞短片

「2018 Mega Ice五人冰球賽」周二(1日)續演「成年組」賽事,其中「國際B」組別首場比賽由捷克球隊Old Boys Pilsen Indians對有多名日本球員坐鎮的Empire Skate。Empire Skate在先落後下,雖一度反超前領先,惟不敵對方球員身體質素,最終以3比6告負。

賽後Empire Skate球隊班主詹喬壹(Terence)表示:「其實佢哋身形、技術係好勁,但速度就未必有咁高,始終佢哋都有番咁上下年紀,但係講所有交波、組織,佢哋係經驗老到,相反我哋係打得辛苦嘅,所以我同一班日本球員都用盡自己嘅速度,可惜最後都係爭少少。」初次與一眾日本猛將比賽,Terence指是一次很好的熱身機會:「今次係第一場國際B組嘅賽事,遇到咁勁嘅對手,係一個好好嘅熱身,對之後嘅比賽好大幫助。我哋球隊啱啱有啲唔同嘅球員組織埋一齊,今場係我哋第一場試夾,每打一場就會夾一場,一場會好過一場。今日雖然係輸咗,但我覺得係一個好好嘅機會去測試我哋嘅默契。」

「2018 Mega Ice五人冰球賽」共設「青少年組」和「成年組」兩個組別,「成年組」於30日展開,決賽日安排在5月5日上演,當晚「國際Elite」、「國際A組」及「亞洲Elite」3個組別的決賽同樣會由賽事Facebook專頁和YouTube頻道,以及on.cc東網提供直播。賽事不設門票,歡迎各界人士到場為香港冰球手打氣!