突發！本田圭佑「J復歸」去咗東京綠茵

即上英超刨績王：http://win.on.cc/epl　

日本國腳本田圭佑周日突然身披綠色波衫，出現喺日乙東京綠茵位於稻城市嘅訓練場，仲全程跟足操練，實現外流11年以嚟嘅首次「J復歸」。

31歲嘅本田圭佑由早上10點就參與綠茵操練，而且踢埋6對6、7對7嘅分隊賽，練習賽入面佢主要喺右路同正前位置活動，綠茵中場橋本英郎、隊長井林章對於本田嘅「加入」都表示歡迎，仲大讚佢用波好出色。其實今次本田去綠茵，完全為咗催谷狀態準備世界盃，佢係同日本足協傾過之後，先至揀咗呢支日乙球隊落腳，球迷唔好諗得太多。但係日本傳媒似乎就好High，話係本田自2007年離開名古屋鯨魚之後，11年嚟首度「J復歸」。

東網體育FB同你追實體壇每個精彩時刻！