【歐霸決賽】基沙文光宗耀祖 完美告別？

即上英超刨績王：http://win.on.cc/epl　

馬體會喺今晨歐霸盃決賽以3比0大勝馬賽奪標，今場波喺法國里昂舉行，原來對於今場馬體會奪標英雄、梅開二度嘅基沙文別有一番意義。話說呢位法國前鋒原來正正係喺里昂以南70公里嘅一個小城市馬孔出世，但佢嘅球員生涯從來都係喺西班牙度過，今次喺里昂奪標都算光宗耀祖喇！

今季射入咗29球嘅佢，球員生涯只係贏過一個西班牙超級盃，而今次嘅歐霸盃先係佢歷來第一個大盃賽冠軍，對於盛傳喺季尾離隊過檔巴塞隆拿嘅佢，可能已經完成完美告別：「呢個係我自14歲離鄉別井後最大嘅回報，係代表住我一直以來嘅努力、投入及承受。一直以來都有開心同唔開心，但依家我好興奮，希望將來有機會再經歷呢個美滿時刻。」

東網體育同你追實體壇每個精彩時刻！