【世盃倒數】秘魯初選 前線兩「路」齊冇份

20180517
東網電視
更多新聞短片
(Getty Images)
即上英超刨績王:http://win.on.cc/epl 
36年嚟首次殺入世盃嘅秘魯,近日宣佈24人初選名單,其中最受關注嘅肯定係佢哋頭號球星荷西古里路,佢早前因為禁藥案上訴失敗,被追加停賽刑期至14個月,將肯定無緣今屆世盃。而另一位同樣落選嘅前鋒,仲包括39歲老將比沙路。
前線兩「路」齊齊冇份,今屆秘魯嘅進攻重任,將會落喺有份入選嘅屈福特前鋒安達卡里路,同埋莫斯科火車頭箭頭人物法芬兩位身上。呢支南美奇兵,分組賽將會硬撼法國、丹麥同澳洲,大賽經驗欠奉嘅秘魯能否脫穎而出,絕對值得留意。
秘魯世盃初選24人名單
門將:柏度加列斯(華拿古斯)、荷西卡華路(卡查馬卡大學)、卡些達(華拿古斯)
後衛:路易艾方素艾布岩(沙士菲)、路爾斯艾雲古拿(盧保斯)、基斯甸拉莫斯(華拿古斯)、米基爾阿拿祖(利馬聯)、艾度哥素(秘魯體育大學)、洛約拉(梅格)、阿拔圖洛迪古斯(青年體育會)、安達臣辛達馬利亞(普埃布拉)、米基爾查奧高(法林明高)
中場:柏度阿基路(盧保斯)、韋達卡達真拿(華拿古斯)、基斯甸古華(聖保羅)、艾迪臣科利斯(阿爾堡)、保羅靴達度(甘馬雷斯)、沙治奧彭拿(CF格蘭納達)、安迪保路(波特蘭伐木者)、約斯馬約頓(奧蘭多城)、連拿度達比亞(飛燕諾)
前鋒:安達卡里路(屈福特)、法芬(莫斯科火車頭)、雷迪亞斯(莫雷利亞)
東網體育同你追實體壇每個精彩時刻!