【5.17盛典】「大埔家嫂」Kannas狂集郵

一年一度本地球壇盛事，「2017-18香港足球明星選舉」頒獎典禮，周四（17日）晚7時喺九龍灣宏天廣場百樂門國際宴會廳盛大舉行。一班球員打扮得咁有型，身為東網港超聯主播嘅我努力咗一季，當然要同佢哋Selfie，當獎勵吓自己！

今季採訪大埔次數多到令胡恩晴Kannas得到「大埔家嫂」呢個花名，一班和富大埔球員理所當然成為我嘅「集郵」對象啊！我就選擇企喺呢日好有型嘅「大埔頭槌王」杜度隔離，原因大家都知道啦！其他畀我「集郵」嘅仲有呢晚致謝時好緊張、最佳青年球員得獎者之一「Fat gor」林衍廷，仲有呢晚嘅大贏家傑志、香港飛馬同陽光元朗嘅職、球員，再一次恭喜咁多位得獎者！