【世盃倒數】網民熱話:法國棄將勁過英格蘭

20180518
東網電視
更多新聞短片
法國領隊迪甘斯今晨公布世界盃23人大軍名單,入選球員個個都係當時得令猛人,尤其中前場粒粒皆星,搞到有大批頂級球星慘情落選!皮耶、拿卡錫迪、京士利高文、拉比奧特、拿樸迪同安東尼馬迪爾等等,如果去到其他球隊,莫講話要入選大軍名單,隨時連正選都有得做。
事實上法國今次冇份入選嘅球員真係勁屈機,難怪大批網民都感慨法國實在太多勁人,仲話迪甘斯只係派落選球員組成嘅球隊,都足夠砌低英格蘭!睇番個落選11人,拿樸迪同馬馬度沙高都屬英超頂級中堅,皮耶領銜4人攻擊線個個獨當一面,連賓耶達都冇位擺入去,而且仲未計受傷嘅哥斯尼同埋因紀律問題長期被棄用嘅賓施馬添!
迪甘斯喺公布名單後解釋:「拿卡錫迪同安東尼馬迪爾上年對德國表現好好,但其他時間就冇咁好,而且我要考慮佢哋喺球隊內角色,我認為基奧特、基沙文、費基亞同基利安麥巴比都係中路攻擊球員。至於皮耶本來都好有機會入選,但佢受傷要抖3個星期,我覺得揀佢太冒險。」
哥斯迪(波爾多)
迪保治(聖伊天)●拿樸迪(曼城)●馬馬度沙高(水晶宮)●盧卡斯迪治尼(巴塞隆拿)
拉比奧特(巴黎聖日耳門)●穆沙施素高(熱刺)
京士利高文(拜仁慕尼黑)●皮耶(馬賽)●安東尼馬迪爾(曼聯)
拿卡錫迪(阿仙奴)
Go Go 開波 GOAL DX 策略手遊
贏盡100萬現金獎賞:https://goo.gl/irtKhK 
即上英超刨績王:http://win.on.cc/epl 
東網體育FB同你追實體壇每個精彩時刻!