心淡！車路士索女為「男神」唔睇決賽
20180518
東網電視
更多新聞短片
車路士周六晚會喺足總盃決賽同曼聯爭奪冠軍，車仔著名粉絲、由Model轉行做體育記者嘅靚女Amy，賽前就炮轟愛隊近期立立亂，準備放棄去睇呢場決賽，改為參加英國皇室婚禮街頭派對喎！Amy向英國《太陽報》表示：「我覺得就算車路士拎到足總盃冠軍，今季喺阿布拉莫域眼中都係一個好失敗嘅球季，考慮到干地隊波近期踢出嘅水平，同埋球隊內部種種問題，我正考慮賣咗足總盃決賽嘅波飛，去參加皇室婚禮街頭派對算數。」
對於有傳車路士想搵普捷天奴執教，Amy同樣唔讚成，佢話：「我唔否認普捷天奴教熱刺教得好好，不過佢從來未贏過聯賽或者任何賽事冠軍，而阿布拉莫域係一個視成績大過一切嘅人，而且以車路士嘅架構，普捷天奴都唔會想過嚟，除非佢真係好憎熱刺，憎到好似車路士球迷討厭韋利安咁啦！」
Go Go 開波 GOAL DX 策略手遊
贏盡100萬現金獎賞：https://goo.gl/irtKhK
即上英超刨績王：http://win.on.cc/epl
東網體育FB同你追實體壇每個精彩時刻！