世盃齋睇英格蘭？攞Pass啦！
20180518
東網電視
更多新聞短片
傅家俊(左)將做世界盃直播嘉賓，同謝德謙於全新OTT服務「Now E」記者會上熱吓身先。
某啲香港人，經常被批評仲係崇英戀殖，其實都錯唔晒，從睇波就知一二。
今屆歐聯決賽，難得利物浦打入決賽，班利人同英超躉即刻癡咗，當時勢必空群而出，筆者早開波前兩個禮拜打去一間好大嘅火煱店訂位，竟然「夫」咗，真誇張。
下月四年一度世界盃開戰，呢班戀英球迷又有得發夢，但究竟係3場玩完，定奇迹地重溫66年美夢，就要睇過先知。近來發現有個服務幾啱佢哋，若只想捧英格蘭，可以喺6月25日後購買「Now E」推出嘅世盃一日通行證，費用為98蚊，無需為Now電視訂戶，上「Now E」購買後，即可喺手機及電腦收睇你所購買嘅當天直播，並可同另一人分享服務。若然你口味廣泛，乜波都啱，包攬全部64場直播通行證為980蚊，想點睇？自己話事！
Follow東網體育IG一齊撐本地運動員！
東網體育FB同你追實體壇每個精彩時刻！