基沙文突然大減價 係咪專門益阿「巴」
20180518
東網電視
更多新聞短片
即上英超刨績王：http://win.on.cc/epl
《每日體育報》報道，西甲馬體會前鋒基沙文合約內嘅買斷費，將喺7月1日自動由2億歐元（約18.5億港元）下降至1億歐元（約9.27億港元），所以呢個會係巴塞激活解約金嘅大日子。巴塞已經安排好具體計劃，準備喺6月完成簽約，7月正式宣布轉會。未來幾日，巴塞方面嘗試游說基沙文簽訂5年長賣身契。
歐霸盃新科盟主馬體會點解肯咁蝕底？原來雙方早有默契，巴塞舊年就確定要簽基沙文，只係為咗同馬體會保持良好關係，巴塞直到幾星期前先聯繫對方，確認佢哋想簽呢位法國前鋒。其實馬體會講到明1歐元都唔會平，只要巴塞願意畀足1億歐元買斷費，就會同意為基沙文協議離隊打開大門。當然，巴塞都唔好意思就咁畀1億歐元就算，計畫畀約1.15億歐元（約10.7億港元）轉會費，如果馬體會覺得冇問題，又冇其他球隊介入炒高個價，呢單嘢就基本成事嘞。
東網體育同你追實體壇每個精彩時刻！