菁英盃 陳俊樂、黃洋決賽前夕先禮後兵
20180518
東網電視
更多新聞短片
陳俊樂與黃洋互笠高帽
分別奪得今季港超冠亞軍及進身足總盃決賽，並已奪得來季亞洲賽資格的傑志及和富大埔，周六（19日）下午3時假香港大球場將會先爭奪菁英盃的冠軍寶座。
效力藍綠兩軍的黃洋與陳俊樂，這一對港隊中場周五（18日）下午出席賽前記者會時，則向對方互笠高帽，作為師兄的黃洋更安慰於周四晚（17日）在足球明星選舉未能獲獎的陳俊樂︰「其實今年除咗費蘭度、華杜斯同黃威，其實我心裏面嗰票係畀『樂仔』嘅，或者係飛馬嘅利馬。因為我同『樂仔』喺香港隊係拍檔，喺本地聯賽係對手，佢畀我嘅感覺就係喺球場上嘅一塊鏡，令我忽然都覺得自己年紀都大咗！『樂仔』最大嘅優勢係身體質素好好，喺一啲時刻用硬淨嘅踢法，好似對北韓入嗰球佢嘅身體質素同跑動範圍，嗰種進取嘅心態係值得年青球員學習。」
至於陳俊樂就表示，希望藉着決賽的對壘令雙方均有所得着︰「黃洋大哥一直係我嘅學習對象，喺香港嘅中場球員之中，我同佢嘅踢法都好相似，我都希望可以喺佢身上學到一啲嘢；例如佢喺防守方面嘅位置感同控球能力。呢場波係一個好好嘅平台畀大家去競爭，同時令大家嘅能力有所提升。」
對於自己在角逐最佳年青球員及最佳11人的獎項均告落選，「樂仔」坦言感到失望，但亦指獎項成績是自己無法控制，而球隊上下亦會全力爭勝去證明自己實力︰「其實我哋有好大信心，上季攞咗呢個錦標，今季都希望可以衛冕。最近我哋都贏咗一場好重要嘅比賽，喺對飛馬嘅時候贏咗亞協盃嘅資格，為球隊打咗支強心針，希望藉住呢個強勢去贏呢個盃。」
東網體育FB同你追實體壇每個精彩時刻！
Follow東網體育IG一齊撐本地運動員！