【世盃倒數】比利時28人名單 好多英超球星
20180521
東網電視
更多新聞短片
比利時28人名單
即上英超刨績王：http://win.on.cc/epl
比利時國家隊周一(21日)召開記者會公布世界盃28人初選名單，人選好大路，前中後3線星光熠熠，好多英超球星，個個獨當一面，例如門將泰拔高圖爾斯、後衞高柏尼、維頓漢、中場奇雲迪布尼、費蘭尼、夏薩特同前鋒盧卡古全部有齊。
比利時今屆世盃勢必矚目，除咗因為球隊重心有好多英超兵，佢哋喺G組，對手有英格蘭、突尼西亞及巴拿馬，同英格蘭同組收視都高啲。
值得留意嘅，而2位喺中超搵食嘅恩歷克卡拉斯高及韋素依然有份，相反羅馬中場尼恩高蘭落選，不過佢哋唔使開心得咁早住，因為主帥馬天尼斯仲要剔走其中4個，喺下月4日提交23人名單。對於羅馬中場尼恩高蘭冇份入選，主帥馬天尼斯解釋：「尼恩高蘭係頂級球員，但戰術原因，用唔到佢。」
值得一提，係夏薩特細佬杜根夏薩特，以及盧卡古細佬佐敦盧卡古亦入圍初選名單，唔知「歐洲紅魔」喺世盃期間會否出現兩對兄弟兵呢？
比利時28人初選名單
門將：泰拔高圖爾斯(車路士)、米洛列特(利物浦)、索斯(安德列治)、卡斯迪爾斯(禾夫斯堡)
後衞：艾達韋列特(熱刺)、華美倫(巴塞隆拿)、維頓漢(熱刺)、高柏尼(曼城)、保耶達(些路迪)、施曼(FC洛杉磯)、佐敦盧卡古(拉素)、梅尼亞(巴黎聖日耳門)、基斯甸卡巴些利(屈福特)
中場：恩歷克卡拉斯高(大連一方)、查迪尼(西布朗)、奇雲迪布尼(曼城)、迪比利(熱刺)、丹當斯卡(安德列治)、費蘭尼(曼聯)、夏薩特(車路士)、杜根夏薩特(慕遜加柏)、贊奴沙(皇家蘇斯達)、梅頓斯(拿玻里)、泰利文斯(摩納哥)、韋素(FC天津)
前鋒：巴舒亞伊(多蒙特)、賓迪基(水晶宮)、盧卡古(曼聯)
東網體育FB同你追實體壇每個精彩時刻！
Follow東網體育IG一齊撐本地運動員！