理文雄心壯志搞好波!陳曉明出山拍達Sir變天

20180521
東網電視
更多新聞短片
陳曉明與達Sir

今季港超聯球季尚未完結,聯賽以第8名衝線的理文,已急不及待公布新一季的鴻圖大計。為衝擊新季聯賽三甲及一個盃賽冠軍,理文會方早前已鐵定將新季之帥印,交到先後出任過香港及澳門足總技術總監、剛帶領澳門代表隊完成亞洲盃外圍賽的本港著名教練陳曉明手中,並會由今季在陽光元朗表現出色的「冠軍教頭」「達Sir」曾昭達擔任其副手,合組「師徒檔」領軍。

今季聯賽煞科日前,理文已有易帥消息傳出,該會終在昨日公布,新一季將由陳曉明擔任球隊主教練,並由曾昭達出任其副手,其他教練團成員包括留任的林慶麟、唐咖名和陳鴻平。在本地球圈人緣極佳的「曉明Sir」近兩年在澳門足總工作,原先擔任技術總監,直至去年7月因澳門代表隊原主教練「譚Sir」因私人理由請辭,開始接替代表隊主帥,領軍征戰過多場國際熱身賽及亞洲盃外圍賽,儘管成績方面未有太大突破,但卻贏盡各界口碑。

進化版曉明唔止淨係教

本身擁有AFC Pro License的「曉明Sir」對上一次執教本港球會,已是2011至12球季的天水圍飛馬,對於「今日的我」與當年的分別,「重出江湖」的「曉明Sir」表示:「之前嘅我會好着重『教』嗰方面,但今時今日要做好一支職業球隊,其實好着重成個配套嘅管理,好似市場推廣、行政、體適能、醫療、運動心理等等,都好影響球隊,唔可以淨係去『教』。呢幾年,我上咗Pro License,亦去過好多唔同國家同地區工作,對管理一支球隊有一啲體會,我會畀個球圈包括球迷、其他球隊睇到我嘅轉變,我嘅『進化版』。」

「唔踢悶蛋波 要好睇好食」

新官上任,許多時為了站穩陣腳或爭取成績,萬事都以戰果為先,出現「泊大巴」、「悶蛋足球」,「曉明Sir」卻事先聲明:「職業球隊需要成績去支持係無可厚非,但足球喺成個長遠建立都係一個表演事業,所以我第一日建立一隊波嘅時候,都會朝踢得亮麗嘅方向,着重一啲好睇又好食嘅打法,同令球迷讚賞嘅足球。一場半場因應戰術而沉悶?會,但長遠發展係要建立一支踢出悅目足球去贏波嘅球隊,呢個亦係我執教理文嘅目標。」

近年本地球圈出現一個熱門話題,就是球隊偏重外援或入籍兵,忽略了本地球員的發展,甚至出場機會,這方面「曉明Sir」亦有其見解,他謂:「不同球隊有不同方針,有啲係要爭標,有啲就為咗青訓,各師各法。理文係希望打出成績,所以我都會重用外援,希望佢哋可以喺場上帶動到本地球員,但我作為一個土生土長嘅香港人,絕對唔會淨係為咗成績,完全唔去理本地球員嘅感受,我會好慎重咁去攞個平衡。」

4土炮加盟繼續掃貨

隨着「曉明Sir」執掌,多名本地球員亦慕名追隨轉投理文,第一階段公布的新球員就有鄭兆鈞、余煒廉、談樂軒和陳衍光;另外援方面除留用域陀和史提芬彭利拿外,將會加入2名中堅及1名前鋒,詳細資料將於下月初陸續公布。

「褪後一格」睇得仲多
曾昭達:增值好機會!

近2季在陽光元朗領軍表現深得球圈中人認同的「少帥」曾昭達,對於新一季在理文「褪後一格」,認為是「睇多啲、學多啲」為自己教練工作增值的好機會。

今季率領陽光元朗勇奪「高級組銀牌」贏盡掌聲的「達Sir」,在該地區球隊決定放棄參加下季的港超聯後,雖然獲其他球隊開出聘約,但經過慎重考慮後,決定追隨「恩師」陳曉明加盟理文。「無論係我踢波嗰陣定做咗教練,『曉明』一直都教同提點我好多,特別係做咗教練之後,我遇到咩難題或者睇唔通嘅事,都會向佢請教,佢亦不厭其煩去為我指點迷津,好多謝佢。難得今次有機會再次近距離跟佢學嘢,我梗係唔可以錯過啦!多謝『曉明』,多謝老闆『李生』(即理文會長李文恩)。」「達Sir」謂。