【離晒大譜】伊巴冇品摑人 扮晒嘢都領紅
20180522
東網電視
更多新聞短片
（互聯網圖片）
即上英超刨績王：http://win.on.cc/epl
伊巴謙莫域今勻堅出洋相，摑完人知衰扮嘢碌地，但球證睇完VAR照趕佢出場！今輪美職洛杉磯銀河作客蒙特利爾衝擊，踢到就完上半場，衝擊球員防守伊巴，褪後踩到伊巴腳尖，呢名巨星唔好老脾，從後兜巴摑落對手塊面，最後梗係領紅啦！
伊巴剛加盟銀河，處子戰就射入超遠金球，不過之後冇乜佳作，銀河成績亦愈來愈差。今仗伊巴戴上隊長臂章出戰，但佢冇以身作則踢好波，仲老羞成怒出手傷人。當時米高柏查素緊嘜伊巴，佢掛住望波褪後踩到伊巴，呢名巨星竟然即時出手，從後摑落米高柏查素隻手附近嘅位置。米高柏查素即時痛極跌倒，伊巴亦隨即按住腳尖順勢倒地。隨後球證走去睇VAR，發現成個過程，畀咗張黃牌畀米高柏查素，之後就出示紅牌畀伊巴。伊巴睇到張紅牌，成個樣勁無奈，之後趷住離場，唔知呢面紅牌，會令佢停幾場賽事呢？
東網體育FB同你追實體壇每個精彩時刻！