【世盃倒數】寸爆！拉比奧特拒做法國後補
20180523
東網電視
更多新聞短片
即上英超刨績王：http://win.on.cc/epl
法甲巴黎聖日耳門(PSG)中場拉比奧特最終未能入入選法國國家隊23人名單，只被法國領隊迪甘斯列為後補嘅11人之一，而喺公布大軍名單期間，迪甘斯仲講咗句：「阿祖安（拉比奧特）喺國家隊表現從來都同喺PSG嗰陣唔係同一水平。」聽到都咪話唔Hurt呀！
根據法國隊嘅安排，11位後補成員喺直到6月4日終極提交名單畀國際足協之前，需要根據足總指示自我操練，同時預備好隨時收到替補通知。不過，唔知係咪受到迪甘斯說話刺激，拉比奧特今日就發咗封電郵畀迪帥，表明自己唔會做後補隊員，講到明自己唔會跟到法國足總指示咁話，似玩嘢喎！
據知，喺拉比奧特封電郵入面，內文相當簡短，但用字就明顯似係由律師所寫，玩到好大咁話。電郵內容大約包括：「......不能跟隨訓練內容......將會根據自己意願而行，而不會無必要地聽從那些出現身邊的各種指示.....」擺到明唔放迪甘斯喺眼內，拉比奧特今次認真型爆，唔到你唔服佢喎！
東網體育同你追實體壇每個精彩時刻！