【官宣】瑞士隊長入廠 攞慣冠軍帶起少爺兵
20180605
東網電視
更多新聞短片
新兵列治史迪拿。（阿仙奴官網圖片）
即上彩報世盃專頁：http://win.on.cc/football/cup2018/
祖雲達斯右閘列治史迪拿，正式以自由身免費加盟阿仙奴，成兵工廠於「後雲格時代」首簽。呢名34歲嘅瑞士國家隊隊長，效力「斑馬兵團」七年全部攞聯賽冠軍，佢好希望將「冠軍」心態注入兵工廠；方法唔係用口講，而係於場上身體力行，以表現質素去感染年輕球員。
列治史迪拿出身於瑞士球隊草蜢，之後轉到法國里爾搵食，繼後加盟拉素，及至2011年加盟祖雲達斯。於11至18年共七個球季，列治史迪拿都係祖記冠軍功臣，可謂攞慣冠軍。佢總共為祖記上陣250次，亦擁有瑞士99頂喼帽，雖然年紀唔輕，但領隊艾美利顯然係想列治史迪拿以豐富經驗幫助球隊。
首次着上阿仙奴波衫，列治史迪拿信心滿滿，佢同阿仙奴官網記者講：「希望我可以帶畀球隊『冠軍心態』，並以自身經驗幫助球隊重返歐聯。其實講係冇，最緊要係於場上向年輕球員以身作則，並向年長隊員展示，自身有幫助球隊嘅實力。只要隊員間建立起互助互信精神，就可令球隊前進。」
對於點解會選擇加盟阿仙奴，列治史迪拿表示：「阿仙奴冇得打歐聯，實在係難以想像。我嚟到係參與一個計劃，一個重返歐聯嘅計劃，我對此好有興趣。」
Go Go 開波 GOAL DX 策略手遊
贏盡100萬現金獎賞
東網體育FB同你追實體壇每個精彩時刻！