【狂牛自爆】大鑊！洛佩特吉隨時被炒
20180613
東網電視
更多新聞短片
希亞路(右)對洛佩特吉工作應有一定了解，可以隨時接手。(Getty Images)
即上彩報世盃專頁：http://win.on.cc/football/cup2018/
根據西班牙傳媒最新報道，尋晚證實會下季改投皇家馬德里執教嘅西班牙國家隊領隊洛佩特吉，將可能會喺決賽周開戰前夕收大信封！消息指西班牙足總主席魯拜利斯對於自己只係早過皇馬公布有關消息前5分鐘，先知洛佩特吉會走人一事，感到極度不滿，仲話魯拜利斯同一眾西班牙足總管理層正考慮今日較後時間安排緊急記招，宣布易帥。
事實上，魯拜利斯已經由舉行國際足協會議嘅莫斯科，飛咗返去西班牙國家隊大本營卡斯洛達，似乎係有大事要處理。至於一旦喺決賽周前換人，西班牙足總體育總監希亞路同西班牙U21國家隊教練施拿迪斯都係熱門繼任人咁話！各位球迷，準備好花生未先？
東網體育同你追實體壇每個精彩時刻！