【狂牛自爆】西班牙足總主席插爆洛佩特吉

20180613
東網電視
更多新聞短片
魯拜利斯(右)係記招公布辭退洛佩特吉決定。(Getty Images)
即上彩報世盃專頁:http://win.on.cc/football/cup2018/ 
西班牙足總突炒領隊洛佩特吉,就喺決賽周前一日發生呢種大事,真係史無前例,即刻聽吓身為「鬥牛國」足總主席嘅魯拜利斯點解出手咁狠:「我哋非常感謝祖蘭(洛佩特吉)之前所做嘅一切,事關佢係帶領球隊取得決賽周資格嘅重要功臣,但同時我哋認為足總有責任要將佢辭退!」
魯拜利斯非常火爆表示:「我哋必須話畀所有為足總工作嘅人聽,做嘢唔係咁囉!我冇覺得被出賣,問題只係佢冇清晰交代畀西班牙足總知,咁樣做法係唔可以發生囉!洛佩特吉係專業人士,佢嘅行為要好小心。我同班球員傾過,大家都反應正面,話明會盡一切去團結起嚟,同新管理層合作。」
呢位西班牙足總主席繼續解釋:「贏波係重要,但更重要係做事嘅方式,亦因此即使洛佩特吉係個頂級領隊,我哋都必須炒佢!皇馬想搵頂級教練其實好正常,我冇說話要講,但當你搵嘅教練係幫緊西班牙足總工作,你就唔可以咁做囉!我都只係喺正式公布前5分鐘,先收到一兩個電話通知(洛佩特吉教皇馬),我哋依家係逼於無奈炒人。」
東網體育同你追實體壇每個精彩時刻!