近屆世盃第1個入波 你記得幾多個?

20180614
東網電視
更多新聞短片
即上彩報世盃專頁:http://win.on.cc/football/cup2018/ 
世界盃揭幕戰今晚上演,今屆賽事第1個入沒亦好大機會出現,睇番對上一次冇波入嘅揭幕戰,已經係1978年嘅西德對波蘭啦!至於近幾屆嘅「世盃首球」大家係咪都冇乜印象呢?其實都好正常,事關近幾屆嘅第1個入球者都係「估你唔到」嗰類,好似上屆揭幕戰巴西對克羅地亞,第1個入波竟然係巴西左閘馬些路「擺老烏」!
2010年南非世界盃,揭幕戰當東道主靠攻擊中場舒巴拉拿入波領先,但最終被墨西哥逼和1比1;06年世盃揭幕戰德國4比2大破哥斯達黎加,第1球唔係高路斯或者普多斯基,而係左閘拿姆呀!再睇02年世盃,塞內加爾揭幕戰爆冷贏法國1比0,入球者又防守中場柏巴迪奧普;98年坐擁朗拿度、李華度同白必圖嘅巴西2比1贏蘇格蘭,入波又係嚟自防中森柏斯奧。
對上一個真係由「大牌」球星攻入嘅世盃第1球,就要數到1994年,當時德國1比0擊敗玻利維亞,綽號「金色轟炸機」嘅奇連士文就攻入全場唯一入球。
東網體育FB同你追實體壇每個精彩時刻!