就算世盃無童話你都會支持......

東網電視

俄羅斯世盃吸引全世界注視。(Getty Images圖片)

足球嘅魅力在於未踢過冇贏梗，包括巴西對哥斯達黎加。雖然世盃歷史上得8個國家拎過冠軍，當中仲全部係足球文化同根基超強，但就算世盃無童話，世界各地嘅人都會義無反顧支持自己撐嘅球隊，正如你。

以前香港教育最睇重搵咩工，姨媽姑姐眼中律師、醫生或者教書都唔錯。日本人唔同，歌詞中出現得最多係愛、勇氣同夢想，鼓勵大家喺唔可能嘅領域向世界挑戰，所以日本足協唔怕你笑，夠膽發起「百年計劃」爭奪世盃冠軍。

日本能唔能夠喺100年內奪得世盃冇人知，反正佢哋嘅女足已經喺2011年，登上過女子世盃冠軍寶座。我承認自己打份工，唔敢發夢做童話主角，創業成功做大有錢佬，或者因為咁，世盃上唔可能變成可能嘅故事，先至咁感動你同我嘅心。

俄羅斯世盃都幾多被睇死陪跑嘅隊伍，冇幾多人會覺得沙特阿拉伯、冰島、巴拿馬甚至日本出到線，但就算係咁，支持佢哋嘅人依然會撐到底，而且唔排除佢哋嘅國家，有人會期望佢哋奪得世盃而回。做人，始終有夢想開心啲。　文：西多夫

Follow東網體育IG一齊撐本地運動員！

東網體育FB同你追實體壇每個精彩時刻！

on.cc東網