【大賽噩夢】新沙皇又傷大腿 九成拜拜世盃

20180615
東網電視
更多新聞短片
迪沙高耶夫認真陰公。(法新社圖片)
即上彩報世盃專頁:http://win.on.cc/football/cup2018/ 
俄羅斯好波之人迪沙高耶夫,被視為東道主今屆世盃爭取佳績嘅希望,但於揭幕戰早段就拉傷大腿被迫提早離場,恐怕今屆決賽周都未能復出。上年洲際國家盃,迪沙高耶夫已曾因大腿受傷而退出賽事,今次又再觸傷舊患,莫斯科戴拿模軍醫Aleksandr Yardoshvili斷言,迪沙高耶夫已緣盡決賽周。
迪沙高耶夫有新沙皇之稱,身披9號波衫睇到佢於球隊嘅份量。佢於2012年歐國盃射入3球成名,但之後極之運滯,16年因斷腳而錯過歐國盃決賽周,上年就因大腿受傷退賽,今次揭幕戰又要提早離場。俄軍軍醫表示,佢觸傷大腿背後位置,需經過詳細檢查先知抖幾耐。
而Aleksandr就表示,根據目測迪沙高耶夫已提早結束世盃旅程,因為佢曾有大腿舊患。而前俄羅斯國家隊軍醫Yuri Vasilkov,就話迪沙高耶夫起碼要抖3周,如果俄羅斯可以殺入8強,都有機會復出。
東網體育FB同你追實體壇每個精彩時刻!