黑氣盡除 新英雄卓利舒夫話要繼續威

20180615
東網電視
更多新聞短片
即上彩報世盃專頁:http://win.on.cc/football/cup2018/ 
後備登場但做咗俄羅斯贏波英雄嘅卓利舒夫,球員生涯早期一直受住傷患困擾,發展始終唔多如意,不過經過今次揭幕戰奇遇,佢都算係闖出頭。賽後佢就話今次係夢想成真,仲話要個氣勢唔好畀佢停添!
卓利舒夫話:「我都唔知用咩說話去形容依家心情,我好開心可以贏波,更開心幫到球隊。其實之前我入選已經好開心,但我真係冇諗過會有今日情況。」呢位維拉利爾翼鋒之前飽受傷患困擾,2014世盃同16歐國盃都冇份踢,佢今年3月獲得重召之前,對上一次入選俄羅斯國家隊已經係2015年11月嘅事,佢話今鋪終於吐氣揚眉:「我為球隊開心,更為我家人開心。我家人之前一直因為我嘅傷患受苦,我覺得佢哋值得今次喜悅。」
不過呢位27歲翼鋒話明,唔會就此滿足:「我哋唔可以就咁收貨,任何時候只要你一放鬆,就會自討苦吃。我哋一定要繼續努力同向前望,我要保持呢個水準,球隊先會取得成功。」
東網體育同你追實體壇每個精彩時刻!