揭摸下巴慶祝之謎 C朗爭世盃靠晒羊咩鬚！
20180621
東網電視
更多新聞短片
（Getty Images、互聯網圖片）
即上彩報世盃專頁：http://win.on.cc/football/cup2018/
今屆世界盃最耀眼球星，肯定係巨星C朗，呢名葡萄牙球王分組賽兩戰入四粒，帶領球隊出線16強在望，相信今屆仲有排踢。今仗大戰摩洛哥，C朗去到球場已成全場記者焦點，特別係佢留咗羊咩鬚，簡直又型又Man。首仗對西班牙入第一球後，佢摸住自己下巴展示新慶祝動作，最後佢親自解釋，原來係同筆鬚有有關！
摸下巴慶祝，好多球迷之後各有解讀，首先係話佢因射破滿面鬍鬚嘅迪基亞十指關，之後又話佢係扮羊，因為要表達自己係「G.O.A.T.」（Greatest Of All Time，史上最佳）。今仗對摩洛哥，C朗於開賽4分鐘就衝頂破網，帶領葡萄牙小勝1:0兩戰積四分，賽後佢終揭慶祝動作之謎：「我於鬥西班牙之前同隊友焗桑拿，跟手走去剃鬚，心血來潮剃剩羊咩鬚。我同哥利斯馬講，如果今場入波就繼續留羊咩鬚直至世界盃完結。所以我入波之後就摸住下巴。到今日又入波，羊咩鬚帶畀我幸運，所以會繼續留。」
東網體育FB同你追實體壇每個精彩時刻！