追殺尼馬！今晚對哥斯達黎加　後衛爭住招呼佢

東網電視

足球王國又出場喇！巴西喺俄羅斯世盃分組賽遇上哥斯達黎加，焦點係尼馬能唔能夠克服傷患上陣，但就算佢落到場，都要因住又畀人狂踢，因為網友覺得佢鍾意畀人踢多過踢波，隨時又破世盃單場被侵犯紀錄呀！

巴西喺首戰以1:1打和瑞士，尼馬上半場已經畀人踢到襪都爛埋，而且全場被侵犯10次，屬於1998年英格蘭嘅舒利亞被侵犯11次後，近20年世盃單場被侵犯次數最多球員，網民仲發現，其實尼馬被人踢嘅精華都好值得睇。

事實上，尼馬每次帶波，對手都會諗好多辦法截停佢，甚至不惜用超技術，特別係尼馬好鍾意招積玩腳法，好似要引人踢佢至安樂咁，就連馬賽嘅佐敦艾馬維，今年3月剷傷尼馬後都話，覺得對方專登等佢出腳犯規，根本自己攞嚟喎！

想睇吓全球各地後衛點樣「招呼」尼馬？立即睇片！

Follow東網體育IG一齊撐本地運動員！

東網體育FB同你追實體壇每個精彩時刻！

on.cc東網