【天意弄人】免費直播16強竟然係呢場...
20180628
東網電視
更多新聞短片
即上彩報世盃專頁：http://win.on.cc/football/cup2018/
隨着16強淘汰賽展開，嚟緊大家又有免費波睇，不過勢估唔到暫時落實有免費直播嘅賽事竟然係瑞典鬥瑞士，淨睇牌面同球星，呢場隨時係16強之中戲碼最弱嘅賽事，難怪有網民感嘆「好過冇」！
Viu TV今屆一早公布會直播19場比賽，其中包括7場淘汰賽，分別係2場16強、2場8強、2場4強同決賽，其中一場16強戲碼已經定咗，就係下周二晚10點開波嘅瑞典鬥瑞士。其實今屆世盃16強戲碼相當唔錯，當中位於上線嘅更加係場場戲肉，包括法國對阿根廷、烏拉圭對葡萄牙及巴西對墨西哥，偏偏Viu就揀咗呢場喺下線嘅「雙瑞大戰」，論吸引力自然爭啲，令唔少諗住可以免費睇波嘅球迷相當失望。
至於另一場直播嘅16強比賽係周二凌晨2點舉行G組首名對H組次名，目前形勢至少都有比利時或英格蘭其中一支名牌，應該都可以收貨喇。
東網體育FB同你追實體壇每個精彩時刻！