港超聯　林嘉緯艾華頓加盟東方龍獅

20180701
  • 東網電視
    更多新聞短片
    林嘉緯新球季會穿上20號。
    矢志新一季重返爭標行列的港超聯球隊東方龍獅，周日（1日）下午透過球隊Facebook專頁公布新一季球員名單，最矚目新兵包括上季效力陽光元朗的「足球明星最佳11人」前鋒艾華頓，以及將以超齡球員身份出戰亞運會的中場林嘉緯，另回收多名上季外借期間表現出色的謝朗軒、陳肇鈞和姚浩明等年青球員。至於球隊季前集訓、熱身賽和新外援之外排，將於日內公布。
    對於這份新季球員名單，總監梁守志表示有3方面，希望可以為球隊帶來正面作用，他表示：「首先當然是『嘉緯』，港超之中有很多出色嘅中場，而佢肯定係其中一位，以『嘉緯』嘅經驗同實力，唔止可以提升到球隊實力，亦可以幫到隊中年青球員成長，佢係球隊新一季最重要嘅羅致。」林嘉緯新一季將披起東方龍獅20號球衣。
    「而艾華頓嘅個人突破能力同速度，應該冇咩人會懷疑，上季我哋喺『高級組銀牌』輸畀陽光元朗，佢真係好厲害，條片我睇咗無數次，肯定冇入錯貨。」梁守志謂。「至於回收謝朗軒等多名年輕球員，其中一個目的就係等球隊年輕番啲，當然佢哋要努力向隊中嘅經驗球員學習，畀心機咁先可以有進步。」
    問及新季目標時，「梁總監」一改過往作風表示：「我講話想捧幾多個盃冇用，最緊要係球隊嘅新兵同舊將可以充分合作，職、球員一切為球隊榮譽去努力，唔好再辜負會方嘅支持就得喇。」另有關球隊新外援，以及季前集訓之目的地，他則謂會方日內會發布有關消息，希望球迷可以鼎力支持東方龍獅。
    「林20」：轉會主因渴望比賽
    剛和太太到曼谷旅行，慶祝結婚1周年的林嘉緯，對於新球季的種種挑戰表示期待，揚言會做好本分，不會令支持他的球迷失望。
    這位中場表示：「之前都講過要離開效力11年嘅傑志，係一個好難好難嘅決定，我知有好多人會話我轉會咪又係為咗錢，無錯！條件係一個考慮，但最大原因係我真係好渴望比賽，我堅信我自己嘅能力，仲可以貢獻到畀球隊。雖然已經離開咗，但呢11年嚟好多人同事都喺我心中，多謝晒！」
    新季將變成「林20」的「嘉緯」提到，目前目標除要在東方龍獅爭取到正選之外，還有首次以「超齡球員」去征戰印尼亞運：「未試過，希望可以幫到班後生仔，幫到香港隊。」
    名單如下：
    1. 葉鴻輝
    3. 迪高
    5. 基頓
    6. 劉浩霖
    7. 徐德帥
    8. 陳肇鈞
    9. 洛迪古斯
    10. 林學曦
    11. 艾華頓
    12. 曾至孝
    14. 鄭璟昊
    16. 何國泉
    17. 李康廉
    18. 張健峰
    19. 姚浩明
    20. 林嘉緯
    21. 曾錦濤
    22. 謝朗軒
    23. 麥基
    26. 廖富源
    29. 梁振邦
    30. 黃梓浩
    33. 梁宇昊
    34. 陳靜謙
    41. 井川佑輔
    42. 茹子楠
    77. 王力威