港超聯 高美斯來投 鄭兆聰:一拍即合!

20180708
東網電視
更多新聞短片

港超聯球會冠忠南區周日(8日)公布簽入「Mr.Right」高美斯,主教練鄭兆聰(Ricky)接受查詢時透露簽入高美斯是因為他了解香港:「喺馬高斯離隊之後我哋欠缺一個中鋒,而點解會揀高美斯係因為佢之前喺香港踢過,適應香港嘅環境,加上我哋傾嘅時候佢都同我講好想、好有意思返嚟香港踢,所以就一拍即合。」

今個夏天冠忠南區所簽入的外援包括:卡拉錫、狄卡奧、迪亞高、高美斯,這4位球員均有征戰港超聯經驗,「Ricky Sir」坦言:「過去我哋簽嘅外援都係透過經紀介紹,球員有啲得有啲唔得,變相球會要冒好大風險,始終季中換外援又要加碼,使多咗錢。既然有球員之前喺其他球會踢得好,而我哋又有機會簽佢,咁點解我哋唔揀佢哋呢?佢哋熟悉香港個環境之餘,我哋搞手續都簡單啲。」在高美斯來投後,「Ricky Sir」表示踢法、陣式未必會有大變動,惟需協助他與隊友盡快建立默契。