對比利時撞到甩肺　馬度迪決賽仲踢得？

東網電視

馬度迪當日撞到眼定定，令人擔心。(法新社圖片)

法國中場馬度迪喺4強戰對比利時場波，同對手夏薩特抄埋一齊，事後佢頂多幾分鐘後終於撐唔住，要被逼退下火線，甚至令人擔心佢能否喺決賽上陣。不過，根據《電訊報》報道，原來呢位祖雲達斯中場上仗賽後已經感覺冇乜唔妥，情況好轉，而經隊醫診斷之後，證實佢並冇受到腦震盪，球迷都可以鬆一口氣。

其實根據國際足協規定，任何球員遇上腦震盪，都唔可以喺6日之內再參加比賽，不過球隊嘅軍醫被視為有權就有關腦震盪情況做決定嘅規矩，就一直被質疑。究竟馬度迪依家係咪真係冇大礙？消息話佢嚟緊決賽擔正都得喎，希望佢平平安安，唔好勉強啦！

東網體育同你追實體壇每個精彩時刻！　

on.cc東網