有佢邊使C朗？祖記?仔入堅靚世界波
20180729
東網電視
更多新聞短片
基文沙射入世界波（互聯網）
國冠盃另一場賽事，祖雲達斯大戰賓菲加，堅巨星C朗雖然冇份踢，但斑馬兵團陣中大把天才球星，不過唔係新球員安利簡恩，而係21歲後生仔基文沙！呢名意大利U20小將，於場上非常淡定，除咗處理罰球有一手外，仲個人表演一扭二狂轟靚波入網，帶領祖雲達斯追平，仲射贏埋12碼，認真叻仔！
賓菲加因為即將要應付歐聯外圍賽，所以較為肉緊，而且球員狀態較佳，球隊亦先開紀錄，阿歷士基莫度射入靚罰球領先。但祖雲達斯小將基文沙非常出色，84分鐘佢於進攻右路面對兩名守衞，於極窄位右腳交左腳連過兩關，再起左腳抽遠柱入網，將比賽帶到互射12碼階段，最終祖雲達斯贏5:3。
東網體育FB同你追實體壇每個精彩時刻！