【有片】3P淫蟲升呢新碧咸 彭利拿要爆嘞
20180729
東網電視
更多新聞短片
(美聯社圖片)
曼聯於國冠盃雖然1:4慘敗畀利物浦，但都有1大亮點，就係巴西中場安達斯彭利拿射入1個「碧咸式」靚罰球。呢位3年前捲入3P雜交性醜聞嘅小淫蟲，依家終於成長破繭而出，可望新一季留效紅魔。
22歲嘅安達斯彭利拿早於2011年由燕豪芬加入曼聯青年軍，2014年獲提拔上一隊，但佢始終流住森巴爛玩嘅血，3年前約埋隊友麥尼亞，向1位少女發放短訊，要求玩3P性愛。
事件曝光後，安達斯彭利拿由新星變淫蟲，仲被流放外借去西甲，先後效力CF格蘭納達、華倫西亞。
經過兩季磨練之後，安達斯彭利拿愈來愈成熟，今場仲射入1個靚罰球，以行動證明自己有能力留隊。
事實上，安達斯彭利拿近期熱身賽場場都上陣，領隊莫連奴有意觀察佢，加上曼聯陣中欠缺罰球專家，安達斯彭利拿只要保持水準，應該可以佔1席。
東網體育FB同你追實體壇每個精彩時刻！
Follow東網體育IG一齊撐本地運動員！