【爆笑】3秒2次核爆級蝦碌 施丹都冇面

20180802
東網電視
更多新聞短片
網上近日瘋傳一段爆笑比賽片段,來自阿爾及利亞頂級聯賽賽事,由MC阿爾及爾對CR比羅達特。爆笑一幕發生喺完半場前,CR比羅達特門將接應隊友回傳,居然「踩波車」自己碌咗喺地,阿爾及爾前鋒耶斯爾梗係唔客氣,第1時間搶走個波射空門,勢估唔到佢又撻Q射咗唔知去邊!3秒之內2隊球員齊齊派膠,連評述員都忍唔住嘲笑,可憐耶斯爾冇晒面即場舉手向球迷道歉。
呢段影片喺網上瘋傳後,連英國《太陽報》等媒體都有報道,不過有網民就指呢場波其實係2013年嘅比賽,但唔知點解依家先被網民瘋傳。阿爾及利亞足球水平本身唔差,法西球王施丹都有阿爾及利亞血統,英超球星馬列斯更加係阿爾及利亞主力,佢哋見到自己聯賽發生咁嘅場面,都真係面目無光呀!
東網體育FB同你追實體壇每個精彩時刻!