日本勵志故事！賭仔變羽毛球世界冠軍
20180806
東網電視
更多新聞短片
(Getty Images)
周日(5日)在南京舉行嘅羽毛球世界錦標賽，男單決賽日本球手桃田賢斗以2比0擊敗中國小將石宇奇，成為首位奪得男單冠軍嘅日本球員，但原來23歲嘅桃田曾經因為衰爛賭，曾被罰停賽超過一年。
桃田賢斗嘅爛賭歲月，發生喺2014至15年間，當時佢同另一位國家隊隊友田兒賢一多次出入一間地下賭場，賭注由數萬至數十萬日圓，有時仲會一日去三次，埋單總共輸咗50萬日圓(約3.5萬港元)，事件於2016年里約奧運前被揭發，最終佢被日本國家隊開除，無緣里約奧運，國際羽聯亦將其世界排名取消。
經過長達一年多停賽，桃田賢斗似乎戒賭成功，因為佢重返賽場後表現神勇，僅花4個月時間就贏得5項冠軍，世界排名重返前10，並於今年先贏亞洲冠軍，再贏世界冠軍，可見佢喺羽毛球場上嘅表現，好過入賭場好多。
奪得世界冠軍後，佢話：「我好享受現時狀態，想盡力打好比賽，如林丹及李宗偉一樣，有漫長嘅比賽生涯。」
東網體育FB同你追實體壇每個精彩時刻！
Follow東網體育IG一齊撐本地運動員！