【英超Kick Off】同你計數 曼城身價最高

20180811
東網電視
更多新聞短片
(互聯網)
新一季英超開鑼,大家睇波都可以由唔同角度去睇。今次《東網體育》就同大家以經濟財政角度去睇,根據著名嘅《轉會市場》網站資料,原來家陣全英超球員最值錢球隊,就係班霸曼城。
全隊球員加埋身價可以去到9億4,815萬鎊,而利物浦同車路士則分列2、3位,反而曼聯班球星就算唔最值錢。
至於單論個別球員身價,上季踢到曉飛嘅利物浦埃及射手沙拿就冇得傾,估計身價去到1億3,500萬鎊,而被評為同佢身價一樣仲有哈利卡尼同奇雲迪布尼,總之呢3位仁兄都係最值錢,最有料。
另外,我哋再睇埋家陣邊位英超球星人工最高,根據今年初資料顯示,上季中由阿仙奴過檔曼聯嘅阿歷斯山齊士,依家收緊成50萬鎊周薪,就係英超打工皇帝。
排第2嘅奧斯爾,雖然都有成35萬鎊周薪,但相比起嚟都輸一大截。另外保羅普巴就收緊29萬鎊排第3,而4、5位則分別係奇雲迪布尼同盧卡古。
東網體育FB同你追實體壇每個精彩時刻!
Follow東網體育IG一齊撐本地運動員!