【國足有救】等踢英超！狼隊簽中國17歲皇帝
20180811
東網電視
更多新聞短片
(互聯網)
英超轉會市場已經關閉，但仲有部分鮮為人知嘅交易，陸續曝光，今季新升上英超嘅狼隊，宣布已經從英乙球隊諾士郡，簽入年僅17歲嘅中國新星何朕宇。
何朕宇細細個已經去英國諾士郡受訓，佢司職中場，前排季前熱身賽都有為諾士郡上陣，並取得入球，更加進入球隊出戰首輪英乙嘅大軍名單，但並冇上陣。
狼隊簽入何朕宇之後，相信會先安排佢踢青年軍賽事，由於狼隊已經被中國財團復星國際收購，何朕宇有晒「背景」撐腰，話唔定好快有機會提升上一隊出戰英超，同孫繼海、李鐵等前輩睇齊。
東網體育FB同你追實體壇每個精彩時刻！
Follow東網體育IG一齊撐本地運動員！