洛夫雲季初焗抖 利記詐型
20180812
東網電視
更多新聞短片
(互聯網)
英超本周開咧，其中爭標熱門之一嘅利物浦，今晚會喺主場火併韋斯咸。不過，賽前佢哋有個壞消息，就係之前喺世盃幫克羅地亞勇奪亞軍嘅中堅洛夫雲，就因為神秘腹痛影響，今戰勢必缺陣。
洛夫雲解釋，腹痛其實早喺世盃期間就出現，但因為爭世盃冠軍事關重大，所以佢一直帶傷踢咗3場。呢位29歲中堅強調為世盃犧牲絕對值得，但佢本來以為經過暑假休息，就可以復原，點知假期過去，到上周一歸隊之後，洛夫雲嘅腹痛竟然持續，令到佢連坐車都辛苦，更加練唔到波。
呢位克羅地亞中堅話嚟緊會去荷蘭睇專科，希望盡快醫好傷勢；而佢亦承認，佢所屬嘅利物浦對佢傷勢唔多滿意咁話，依家唯有爭取盡快傷愈，氹番管理層同球迷啦！
東網體育同你追實體壇每個精彩時刻！