【球場神技】最型扭波玩死人 賽後要耍冧
20180812
東網電視
更多新聞短片
球壇好波之人周圍都有，遠到南非聯賽，都一樣有球員識得球場神技！話說喺上周二當地一場由波洛克瓦尼對日落嘅球賽，打到補時階段，日落隊嘅翼鋒施華尼喺禁區左路近底線，一次瀟灑過人，喺對方守將麥保拿尼高速殺埋身攔截之際，巧妙用右腳腳底一「搓」，擺脫對手之餘，仲要玩到麥保拿尼碌地食草，超強腳法認真誇張。唔到你唔服係，施華尼球場攞晒采之後，賽後仲走去搵番被佢玩殘嘅麥保拿尼道歉，好波又有品，認真抵讚呀！
東網體育同你追實體壇每個精彩時刻！