【東洋怪男】咩話？本田圭佑教柬埔寨
20180812
東網電視
更多新聞短片
(互聯網)
柬埔寨足總宣布，聘請現役日本國腳本田圭佑，擔任國家隊影子領隊，實在令人非常意外，恐怕連漫畫《足球小將》作者高橋陽一都諗唔到咁戲劇性橋段。
現年32歲嘅本田圭佑曾經效力莫斯科中央陸軍、AC米蘭等勁旅，早前由墨西哥球會帕丘卡轉投墨爾本勝利，事前佢喺Twitter就曾用英文留言，預言「有嚇親大家嘅大新聞發生」，估唔到就係突然成為柬埔寨主帥。不過，據知本田雖然名義上只係加入教練團，註冊名單上柬埔寨領隊依然係阿根廷人費歷斯，但實際上掌實權嘅係本田。
柬埔寨國家隊世界排名166位，仲低過香港24位，竟然可以請到本田圭佑執教，簡直係奇聞，最奇都係本田願意接受呢個挑戰。消息話，9月10日柬埔寨友賽馬來西亞，就會係本田上任第一擊。
不過，本田圭佑喺澳洲踢波，同柬埔寨相距咁遠，莫非要遙距教波？搵佢領軍，睇怕都係象徵意義多過實際。
東網體育FB同你追實體壇每個精彩時刻！
Follow東網體育IG一齊撐本地運動員！