【廠城戰】韋碧克前鋒變左閘 兵工廠奇招

20180812
東網電視
更多新聞短片
阿仙奴英超開咧就要挑戰上季盟主曼城,面對強敵,新廠長艾美利梗係要度返條好橋,以奇制勝,佢喺大戰前就暗示呢場會派韋碧克正選上陣,不過就唔係擺佢喺擅長嘅前鋒位置,而喺打算揼佢去踢左閘。
兵工廠兩位正印左閘蒙利爾同哥拉辛拿斯齊齊有傷,呢場上陣成疑,艾美利唯有揾第二個頂上,揾揾下就睇中咗韋碧克。艾美利賽前先大讚呢位英格蘭球員:「我認為韋碧克有能力勝任多個位置,右翼、左翼同前鋒都難唔到佢,早前我仲帶佢加練左閘呢個位置,表現都幾好。」講到尾都似乎係想氹佢試試呢個位置,唔知呢着奇招會唔會收到奇效呢?
東網體育FB同你追實體壇每個精彩時刻!
Follow東網體育IG一齊撐本地運動員!